Ym mis Gorffennaf 2016 ysgrifennodd Bwrdd Iechyd Prifysgol Hywel Dda at nifer o gleifion yn darparu gwybodaeth a chefnogaeth, wedi i ymchwiliad mewnol ddarganfod bod cyn aelod o staff wedi edrych ar gofnodion ysbyty electronig mewn modd amhriodol.
Diswyddwyd yr unigolyn, a oedd yn nyrs, am dorri cyfrinachedd claf a gweithredu y tu allan i’w god ymddygiad proffesiynol ei hun yn ogystal â pholisïau’r Bwrdd Iechyd ar ddiogelu data a llywodraethu gwybodaeth. Yn ogystal, cyfeiriwyd y sefyllfa gan y Bwrdd Iechyd at y Comisiynydd Gwybodaeth i’w ymchwilio’n annibynnol.
Heddiw death yr achos i ben yn Llysoedd Barn Llanelli. Plediodd yr unigolyn yn euog dan Adran 55 y Ddeddf Diogelu Data 1998 i feddiannu gwybodaeth bersonnol heb ganiatâd y rheolwr data, a chafodd ddirwy am y weithred hon.
Dywedodd y Prif Weithredwr Steve Moore: “Rydym yn fodlon bod y Comisiynydd Gwybodaeth a’r Llys wedi cymryd camau priodol yn erbyn yr unigolyn dan sylw. Nawr bod yr ymchwiliad wedi dod i ben byddwn yn ysgrifennu eto at bob claf a effeithiwyd yn uniongyrchol gan y mater hwn i ymddiheuro ac i gynnig cefnogaeth bellach.
“Mae cyfrinachedd claf o’r pwys mwyaf i ni, ac ers y digwyddiad rydym wedi gosod cyfres o fesurau i gryfhau ein prosesau a gweithdrefnau llywodraethu gwybodaeth. Rydym yn gwybod bod hwn wedi bod yn achos trallodus i’r rhai hynny a effeithiwyd, a’n gobaith yw bod y camau a gymerwyd gennym yn dangos ein hymrwymiad parhaus i sicrhau ein bod yn atal rhywbeth tebyg rhag digwydd byth eto.”
More Stories
Carmarthenshire students celebrate A Level and A.S. results
Llanelli private development company pledges investment in Swansea city centre
Dyfed-Powys Police Chief Constable welcomes latest HMICFRS Peel Inspection Report
Journalism students make feature documentary on family cleaning up Llanelli Beach
Restoring Wales’ peatland is improving water and wildfire security during dry weather
Police investigating ‘unexplained’ fire at property in Ammanford
Invitations to eligible adults in Wales for Autumn Covid booster jabs commences
Lansio ymgynghoriad ar wella gwasanaethau gofal cymdeithasol
Consultation begins on improving social care services
Cyhoeddi cronfa Cydlyniant Cymunedol Canolbarth a De-orllewin Cymru 2022-23